Copyright 2017 - Custom text here

 

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ကျောင်းသားတပ်မတော်)
ရှစ်လေးလုံး ဒီမိုကရေစီ အရေးတော်ပုံ ၂၇ နှစ်မြောက် ထုတ်ပြန်ကြေငြာချက်


ရှစ်လေးလုံး ဒီမိုကရေစီ အရေးတော်ပုံကြီးကား ၂၇ နှစ်ပြည့်ခဲ့ပြီ။
    သို့သော် အရေးတော်ပုံကြီးအတွင်း တောင်းဆိုခဲ့ကြသည့် ဒီမိုကရေစီနှင့် လူ့အခွင့်ရေး၊ ပြည်တွင်းငြိမ်းချမ်းရေး၊ လွတ်လပ်သည့် ကျောင်းသား၊ အလုပ်သမား၊ လယ်သမားသမဂ္ဂများ ဖွဲ့စည်းရေး စသည့် အခြေခံ တောင်းဆိုချက်များ ရရှိရေးအတွက် ဆက်လက်ရုန်းကန်တိုက်ပွဲဝင်နေရဆဲဖြစ်သည်။

    နဝတ၊ နအဖ (စစ်ကောင်စီ)ဘဝ မှ စစ်တပ်နောက်ခံပြု ၂ဝဝ၈ ဖွဲ့စည်းပုံကျောရိုးပေါ်မှ ပေါ်ထွက်လာသည့် ရွေးကောက်ပွဲများ၊ လွတ်တော်နှင့် အစိုးရ ပုံစံ အပြောင်းအလဲများဖြစ်ပေါ်ခဲ့သည်။ တပြိုင်နက်တည်းမှာပင် အတိုက်ခံ နိုင်ငံရေးခေါင်းဆောင်များ၊ နိုင်ငံရေးပါတီများ၊ နိုင်ငံရေးအင်အားစုများ၊ တိုင်းရင်းသား လက်နက်ကိုင်တော်လှန်ရေး အဖွဲ့စည်းများ၏ စည်းရုံးစုဖွဲ့မှု၊ တိုက်ပွဲဝင်မှု ပုံစံများ အလှည့်အပြောင်း ဖြစ်ပေါ်နေသည်။

ဤ အခင်းအကျင်းနောက်တွင် လက်တွေ့ဖြစ်ပေါ်နေသော -

        - မြေသိမ်း၊ လယ်သိမ်း ဆန့်ကျင်ရေး၊

        - အခြေခံ ကျောင်းသားထုအခွင့်ရေးနှင့် ပညာရေးလွတ်လပ်ခွင့် ရရှိရေး၊

        - အခြေခံလစာ သတ်မှတ်ရေးနှင့် အလုပ်သမားအခွင့်ရေး ရရှိရေး၊

        - ၂ဝဝ၈ ဖွဲ့စည်းအုပ်ချုပ်ပုံပြင်ဆင်ရေး

        - တစ်နိုင်ငံလုံးအပစ်ခတ်ရပ်စဲရေး၊ ပြည်တွင်းငြိမ်းချမ်းရေးနှင့် စစ်မှန်သည့် နိုင်ငံရေးဆွေးနွေးပွဲများ ဖြစ်မြောက်ရေး-

    စသည့် ရုန်းကန်ကြိုးပမ်းမှုများကို အသိမှတ်ပြု အကောင်ထည်ဖော်ရန် လိုအပ်နေသည်။ ဤ နိုင်ငံရေးအကြပ် အတည်းကို ဂုဏ်သိက္ခာရှိရှိ ဖြေရှင်းနိုင်ရမည်ဖြစ်သည်။

    ယနေ့ကာလ အကြီးမားဆုံးစိမ်ခေါ်မှုမှာ လက်ရှိ တိုင်းပြည်ပြုပြင်ပြောင်းလဲရေးလှုပ်ရှားမှုများသည် အခြေခံ ပြည်သူလူထုလိုအပ်ချက်ဖြစ်သည့် စားဝတ်နေရေး၊ ပညာရေး၊ ကျန်းမာရေး၊ လူမှုရေး အကြပ်အတည်းများကို အဆင်ပြေ ချောမွေ့စေရန် ဆောင်ရွက်နိုင်စွမ်း မရှိသည့်အပြင် တနေ့တခြား ပိုမိုဆိုးရွားလာနေသည်ကို ကြောင့်ကြ စိုးရိမ်ဖွယ် တွေ့မြင်နေရသည်။

    ထို့ပြင် ပြည်တွင်းပြည်ပ အခြေအနေအရပ်ရပ်ကလည်း မြန်မာနိုင်ငံအား စစ်မှန်သည့် ပြုပြင်ပြောင်းလဲမှုများ လုပ်ဆောင်ရန် တောင်းဆိုနေသည်။ လူထုအထွေထွေအကြပ်တည်း ကြီးမားလာနေ သည်ကို လစ်လျှူရှုထားခြင်းဖြင့် ကြီးမားသည့် တန်ပြန်သက်ရောက်မှုများ မုချမသွေ ရင်ဆိုင်ကြရမည်ဖြစ်သည်။

    မြန်မာပြည် စစ်အာဏာရှင်စနစ် ဆန့်ကျင်ရေး၊ ဒီမိုကရေစီရေး၊ တိုင်းရင်းသားများ၏ တန်းတူရေးနှင့် ကိုယ်ပိုင် ပြဌာန်းခွင့်ရရှိရေး၊ ဖက်ဒရယ်ပြည်ထောင်စုတည်ဆောက်ရေး ရုန်းကန်လှုပ်ရှားမှုသမိုင်းကား ဆုံမှတ်တခုသို့ ရောက်ရှိ နေပြီဖြစ်သည်။ စစ်မှန်သည့် ပြုပြင်ပြောင်းလဲရေးများပြုလုပ်နိုင်ရန် တန်းတူရည်တူ ဂုဏ်သိက္ခာရှိရှိ ဆွေးနွေး အဖြေရှာ နိုင်သည့် အခြေအနေကို ဖန်တီးမည်လား သို့မဟုတ် အလုံးစုံ ထိတ်တိုက်ရင်ဆိုင် ဖြေရှင်းကြမည့် အခြေအနေကို တွန်းပို့မည်လား ဆိုသည်ကို အထူးသတိပြုကြရန် တိုက်တွန်းလိုသည်။

    ရွေးချယ်စရာလမ်း များများစားစားမရှိပါ။

    ရှစ်လေးလုံး ဒီမိုကရေစီ အရေးတော်ပုံကြီးက မိမိတို့ချီတက်လျှောက်လှမ်းခဲ့ရဖူးသည့် လမ်းကြောင်းကို ပြဌာန်း ပေးခဲ့ပြီးဖြစ်သည်။ ဤသမိုင်းအတွေ့အကြုံများကို သုံးသပ်ဆင်ခြင်ရင်း ယနေ့ရင်ဆိုင်ကျော်လွားရမည့် နိုင်ငံရေးအခင်း အကျင်းများကို အဖက်ဖက်မှပြင်ဆင်ကာ ဒီမိုကရေစီပန်းတိုင်အရောက် ဆက်လက် ကြိုးပမ်းတိုက်ပွဲဝင်သွားမည် ဖြစ် ကြောင်း ထုတ်ပြန်လိုက်သည်။

ရှစ်လေးလုံး ဒီမိုကရေစီစိတ်ဓာတ် အဓွန့်ရှည်ပါစေ။
စစ်အာဏာရှင်စနစ် မုချ ကျဆုံးရမည်။

ဗဟိုကော်မတီ
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ကျောင်းသားတပ်မတော်)
ရက်စွဲ။ ။ ၂ဝ၁၅ ခုနှစ် သြဂုတ်လ ၈ ရက်။

f t g